291

By Bombo Ponciano ‘John’ Melo Jr

https://www.bomboradyo.com/durant-isinalba-ang-warriors-vs-raptors-sa-game-5-para-ilapit-ang-serye-sa-3-2/?fbclid=IwAR2ztgnxhGuSQnAs0s6RhZpFuNsAWyhm_L2Tw4k5TRnJRq_FFdunBwltNwk

TORONTO, Canada – Bumangon ang Golden State Warriors sa Game 5 ng kanilang pagtutuos sa Toronto Raptors, 106 -105, para ilapit ang serye sa 3-2.

Ito ay sa kabila ng tinamong Achilles injury ng dating two-time NBA Finals MVP Kevin Durant.

Nakapaglaro si Durant sa first at second quarter na agad na nakadagdag ng malaking kalamangan laban sa Raptors.

Subalit muli itong nagka-injury kaya nagpahinga ito bago mag-3rd quarter.

Pero hindi na nakabalik pa sa court bunsod sa posibleng malalang injury makaraang sumailalim sa pagsusuri ng kanilang team physician.

Kung maalala mahigit isang buwan na ring hindi nakakapaglaro si Durant na naunang nagkaroon ng calf injury.

Sa paglalaro muli ni Durant kanina sa loob lamang ng 12 minutos ay nakapag-ambag ito ng 11 puntos kasama na ang tatlong 3-pointers.

Habang sina Stephen Curry na best player sa game ay may 31 points, Klay Thompson ay nagpasok ng 26 points, Demarcus Cousins ay may 14 at si Draymond Green ay nagtapos sa 10 points.

Kapansin pansin ang malaking tulong ni Durant sa first quarter na kahit kagagaling lamang sa injury ay pinilit pa ring maglaro.

Share
Go top